Enpresa instalatzaile eta mantentzaileentzat pentsatutako kalkulu- eta erregistro-programak: instalazioa dimentsionatu, araudia betetzen duela egiaztatu eta haren dokumentazioa sortu.
Barneko instalazio hartzaileak (IRI), erkideak (IRC) edo biak batera kalkulatzen ditu, edozein presiotarako eta gas naturalerako, aire propanatuerako, propanorako edo butanorako, presio- eta potentzia-unitate desberdinetan.
Presio-galerak eta hodien diametroak interfaze erraz batean marrazten duzun eskema baten gainean kalkulatzen dira.
Ur hotzeko eta beroko zirkuituen aldi bereko emariak, karga-galerak, presioak eta diametroak, etxebizitzetarako (kontagailu-armairuarekin) eta hirugarren sektorerako: hotelak, ospitaleak edo aireportuak.
Hasierako presiotik eta hornidura-presiotik abiatuta, zein tarte dauden ondo dimentsionatuta eta zein ez adierazten du, hodi eta aparatu mota bakoitzaren gutxieneko diametroak errespetatuz.
Eraikin, etxebizitza edo lokal baten karga termiko partzialak eta guztizkoak, proiektuko tenperaturetatik, klima-eremutik eta eraikuntza-elementu bakoitzaren transmisio-koefizienteetatik abiatuta.
Erradiadore bakoitzaren ur beroaren emaria eta elementu kopurua adierazten ditu, aukeratutako fabrikatzailearen arabera; instalazioaren dokumentazioa sortzen du, eta planoa egiteko marrazketa-interfazea du.
Gela bakoitzaren hotz- eta bero-karga termikoak, proiektuko tenperatura eta hezetasunen, klima-eremuaren, aire-berritzeen (bolumenaren arabera edo m³/h-tan) eta eraikuntza-elementu bakoitzaren transmisio-koefizienteen arabera.
Hodien kalkulua instalazioaren elementuak dituen marrazketa-interfaze batean egiten da.
Instalazioko aparatu guztiak eta haien mantentze-eragiketak (derrigorrezkoak eta aukerakoak) erregistratzen ditu. Erabiltzaileak zein enpresa mantentzaileak ulertzen duten erregistro-tresna da.
Federación de Asociaciones de Mantenedores e Instaladores de Calor y Frío federazioaren instalazio termikoen mantentze-liburuan oinarrituta dago, FAVIren bultzadaz.
Legionelosiaren prebentzio eta kontrolari buruzko araudiak establezimenduei eskatzen dizkien mantentze-eragiketen erregistroa.
Ur sanitario hotz eta beroaren sarea, makina-gela, ur beroko metagailuak, urtegiak eta biltegiak, eta udal-sareko ura hartzen ditu barne.
Kontaiguzu zer proiektu mota egiten dituzun, eta esango dizugu zer programa datozen ondoen eta nola lizentziatzen diren.